Vísitalið minkað úr 23 til 20 stig síðan juni 16

Hagstovan hevur 15. februar 2016 kunngjørt nýggjastu konjunkturkanningina, sum Gallup Føroyar ger vegna Hagstovuna. Úrslitini úr seinastu konjunkturkanningini eru tøk í hagtalsgrunninum. Yvirskipaða vísitalið, ið vit nevna samanvigaða vísitalið, vísir eina minking frá 23 til 20 síðan juni í fjør, og er støðið sostatt tætt við miðal á 17 stig síðan januar 2006. Í tíðarskeiðinum undir fíggjarkreppuni fall vísitalið munandi, men vaks síðan nærum áhaldandi til á sumri 2014, tá vísitalið aftur var í hæddini, men hevur í seinastu trimum kanningunum ligið tætt við langtíðarmiðal.

Samanvigað vísital
Við støði í vísitølunum frá øllum fimm kanningunum verður eitt samanvigað vísital roknað við fylgjandi vektum:

1. Vísital frá brúkarakanningini: 20%
2. Vísital frá kanningini av tilfeigisvinnum og øðrum ídnaði: 40%
3. Vísital frá kanningini av byggivinnu: 5%
4. Vísital frá kanningini av handilsvinnu: 5%
5. Vísital frá kanningini av tænastuvinnuni: 30%

Eitt samanvigað vísital kann liggja millum pluss 100 og minus 100.